அவமானப்படாமல் வாழ்வில் உயர்ந்தோர் எவரும் இல்லை
Aug 14, 2024
By: Nivethaஅவமானம்
அவமானம் என்பது பலரையும் முடக்கி போடும் ஆனால் உண்மையில் அவமானம் பெறாமல் வெகுமானம் கிடைக்காது என்று அக்காலம் முதல் கூறப்பட்டு வருகிறது. அவமானங்களை கொண்டு உன்னை நீயே செதுக்கி கொள் என்பது பல காலமாக சொல்லப்படும் ஓர் உண்மையான மொழியாகும்.
Image Source: pexels
ஆன்மீக கூட்டம்
ஒரு ஆன்மீக கூட்டத்தில் கூடியிருந்த கூட்டம் அங்கிருந்த சாதுவிடம் பல்வேறு கேள்விகளை கேட்பதோடு ஆசீர்வாதம் பெற்று சென்றனர். ஆனால் ஒருவன் மட்டும் அமைதியாக ஒரு ஓரத்தில் ஒதுங்கி நின்றுள்ளான். இதனை கவனித்த சாது அந்த நபரிடம் சென்று பேசுகிறார்.
Image Source: pixabay
அமைதி
என்னிடம் வந்த அனைவரும் வந்து தங்கள் பிரச்சனைகள் குறித்து கேள்விகளை கேட்டு சென்றார்கள் ஆனால் நீ மட்டும் எதுவும் கேட்காமல் அமைதியாக இருந்தாய், எனவே நீ நிறைவாக இருப்பாய் என்று அந்த சாது அந்த நபரை ஆசீர்வதித்துள்ளார். அதற்கு அந்த நபர் அப்படியெல்லாம் ஒன்றுமில்லை என்று மறுப்பு தெரிவித்துள்ளார்.
Image Source: pixabay
வேதனை
நான் எங்கு எது பேசினாலும் என்னை அவமானப்படுத்துகிறார்கள், அதற்கு பயந்து தான் நான் ஒதுங்கி நின்றேன் என்று தனது வேதனையை அந்த நபர் சாதுவிடம் கூறியுள்ளார். அதற்கு சாது, 'அவமானம் படாதா நபர்கள் இங்கு யாரேனும் உண்டா என்ன?' என்று கேள்வி எழுப்பியுள்ளார்.
Image Source: pixabay
அனுபவம்
மேலும், இன்று தன்னிடம் வந்து ஆசீர்வாதம் பெற்று சென்ற நபர் அதற்கு முந்தைய தினம் அவர் வீட்டின் வாசல் வழியே சென்றப்பொழுது 'போறான் பாரு சாமியார், ஊர ஏமாத்துறான்' என்று காதுபட பேசியதாக தனது அனுபவத்தை பகிர்ந்து கொண்டு, எதுவும் நிரந்தரமில்லை என்று கூறியுள்ளார்.
Image Source: pixabay
பார்க்கும் விதம்
எதுவும் பார்க்கும் விதத்தில் தான் உள்ளது என்று கூறிய சாது, 'நீங்கள் அந்த நபர் என்னை பேசியதை அவமானமாக பார்க்கிறீர்கள், ஆனால் நான் அதை கடவுள் எனக்கு தந்த வெகுமதியாக பார்க்கிறேன்' என்றும் விளக்கம் அளித்துள்ளார்.
Image Source: pixabay
வாழ்வின் வெற்றி
அவமானம் என்னும் வலியை சுமக்காமல் எவனாலும் வாழ்வின் வெற்றியை அடைவதற்கான வழியை நிச்சயம் கண்டறிய முடியாது என்றும் கூறிய சாது, அந்த நபரை ஆசீர்வதித்து அங்கிருந்து அனுப்பி வைத்துள்ளார். அந்த நபரும் சாதுவின் பேச்சால் தெளிவு பெற்று அங்கிருந்து தன்னம்பிக்கையோடு சென்றார்.
Image Source: pixabay
உறுதியான மனம்
ஒருவனுக்கு உறுதியான மனம் இருக்கும் பட்சத்தில் அவனால் வாழ்வின் எந்தவொரு மோசமான நிலையையும் கடந்து முன்னேறி வர முடியும். பட்ட அவமானத்தை மனதில் சிம்மாசனம் போட்டு உட்கார வைப்பதற்கு பதில், அதனை தாண்டி அடுத்தக்கட்டத்தை நோக்கி சென்றாலே நாம் பட்ட அவமானத்திற்கான வெகுமதியை கடவுள் நமக்கு கொடுப்பார்.
Image Source: pixabay
குப்பைக்கு சமானம்
இந்த உலகம் நம்மை வாழ்ந்தாலும் பேசும், தாழ்ந்தாலும் பேசும். நாம் எப்படிப்பட்டவர்கள் நமக்கு தெரியும், அப்படி இருக்கையில் நம்மை சுற்றியுள்ளவர்கள் கூறுவதை கேட்டு முடங்கி போகாமல் முன்னேறி செல்ல வேண்டும். எனவே நமக்கு ஏற்படும் அவமானங்களை குப்பைக்கு சமானமாக எண்ணி அதனை தூர வீசி முன்னேறி செல்லுங்கள்.
Image Source: pexels
Thanks For Reading!