May 17, 2024
உயர் ரத்த அழுத்தத்தை கட்டுக்குள் வைப்பதன் அவசியம் ஏன்?
Anojஉயர் ரத்த அழுத்தம்
மருத்துவர் பரிந்துரைத்த வரம்பை விட, உங்க ரத்த அழுத்தம் தொடர்ந்து அதிகமாக இருக்கும் பட்சத்தில், உடனடி முன்னெச்சரிக்கை நடவடிக்கைகள் அவசியமாகும். ஏனெனில், உயர் ரத்த அழுத்தம் உயிருக்கு ஆபத்தான பல உடல்நலப் பிரச்சினைகளுக்கு வழிவகுக்கும்
Image Source: pexels-com
அதிகரிக்கும் காரணிகள்
உடல்பருமன், மன அழுத்தம், உடல் செயல்பாடு இல்லாமை, புகைப்பிடித்தல், அதிகமான உப்பு உணவுகள் சாப்பிடுவது மற்றும் குடும்ப வரலாறு ஆகியவை உயர் ரத்த அழுத்தம் அதிகரிப்பதற்கான முக்கிய காரணிகளாக திகழ்கிறது
Image Source: istock
மாரடைப்பு (அ) பக்கவாதம்
மாரடைப்பு, பக்கவாதம் காரணமாக அதிகமானோர் உயிரிழப்பதற்கு, தமனி சுவர்களை சேதப்படுத்தும் உயர் ரத்த அழுத்தம் முக்கிய காரணமாகும். தமனிகளில் பிளேக் படிதல் அதிகமாகி, ரத்த ஓட்டம் பாதிக்கப்பட்டு மாரடைப்பு அல்லது பக்கவாதத்திற்கு வழிவகுக்கிறது
Image Source: istock
இதய செயலிழப்பு
இதய தமனி தடிமனாக அல்லது குறுகலாக இருந்தால், ரத்த சுழற்சியில் இதயம் சிரமத்தை சந்திக்கும். கூடுதல் பணிச்சுமையால் பிற உறுப்புகளுக்கு ரத்த செல்வது தடைப்பட்டு இதய செயலிழப்பு ஏற்படும் அபாயம் உள்ளது. இதற்கு உடனடி சிகிச்சை அவசியமாகும்
Image Source: istock
பாலியல் செயலிழப்பு
உயர் ரத்த அழுத்தம் தொடர்ச்சியாக அதிகரிக்கும் போது, ஆண்களிடையே விறைப்புத்தன்மை குறைபாடு ஏற்பட செய்யலாம். அதேபோல், பெண்களுக்கு பாலியல் செயல்பாட்டின் ஈடுபாடு குறையக்கூடும்
Image Source: freepik-com
நெஞ்சு வலி
இதயத்திற்கு போதுமான ரத்த கிடைக்காத போது, நெஞ்சு வலி ஏற்படக்கூடும். உயர் ரத்த அழுத்தம் இருப்பவர்கள், உச்சியை நோக்கி நடப்பது, மேலே ஏறுவது போன்ற செயலில் ஈடுபடுவது ரத்த அழுத்தம் அளவை அதிகரித்து நெஞ்சு வலிக்கு வழிவகுக்கலாம்.
Image Source: istock
சிறுநீரக கோளாறு
உடலிலுள்ள நச்சுக்களை வெளியேற்ற சிறுநீரகம் பயன்படுகிறது. ஆனால், உயர் ரத்த அழுத்தம் சிறுநீரகத்திற்கு அருகில் உள்ள தமனிகளில் சேதத்தை ஏற்படுத்தி சிறுநீரக கோளாறுக்கு வழிவகுக்கலாம். அவர்கள் உயிர்வாழ டயாலிசிஸ் அல்லது மாற்று அறுவை சிகிச்சை அவசியமாகும்
Image Source: istock
பார்வை திறன் பாதிப்பு
உயர் ரத்த அழுத்தம், கண்களில் உள்ள சிறிய ரத்த நாளங்களில் சேதத்தை உண்டாக்கலாம் என ஆய்வுகள் கூறுகின்றன. சிலருக்கு நிரந்தர பார்வை இழப்பு ஏற்படவும் வாய்ப்புள்ளது. ரத்த அழுத்தத்தை முறையாக பராமரிப்பது கண் ஆரோக்கியத்திற்கு மிகவும் அவசியமாகும்
Image Source: istock
என்ன செய்யலாம்?
ரத்த அழுத்தத்தை கட்டுப்படுத்த, ஆரோக்கியமான உணவுகள் உட்கொள்வது, தினமும் உடற்பயிற்சி செய்வது மற்றும் மன அழுத்தத்தை போக்கும் மூச்சுப்பயிற்சிகளில் ஈடுபட வேண்டும். இதுதவிர, மருத்துவர் பரிந்துரைக்கும் மருந்துகளும் தவறாமல் உட்கொள்ள வேண்டும்
Image Source: istock
Thanks For Reading!