ஒரு சில காரணங்களுக்காக பெயர் மாற்றம் செய்த நாடுகள்!

Aug 2, 2024 Pavithra, Samayam Tamil

பெயர் மாற்றம்!

உலகளவில் அரசியல் மாற்றங்கள், நிர்வாக சீர்திருத்தங்கள், கலாச்சாரம் போன்ற காரணங்களால் பல்வேறு நாடுகள் தங்களது பெயர்களை மாற்றியுள்ளது. அவ்வாறு பெயர் மாற்றம் செய்த நாடுகளின் வரிசை இதோ. Image Source: unsplash-com

சிலோன் - இலங்கை!

1972 ஆம் ஆண்டில் குடியரசாக மாறிய பிறகு சிலோன் என்கிற பெயர் சிங்கள மொழிச் சொல்லான இலங்கை என்று பெயர் மாற்றப்பட்டது. காலனித்துவ தடயங்களை அழிக்கும் நோக்கில் இது செய்யப்பட்டது. Image Source: unsplash-com

பர்மா - மியான்மர்!

1989 ஆம் ஆண்டு, தென்கிழக்கு ஆசியத் தேசமான பர்மா காலனித்துவத்தை அடுத்து ராணுவ ஆட்சியின் கீழ் மியான்மார் என்று பெயர் மாற்றம் பெற்றது. Image Source: unsplash-com

கிழக்கு பாகிஸ்தான் - பங்களாதேஷ்!

இன்றைய பாகிஸ்தானுக்கும் கிழக்கு பாகிஸ்தானுக்கும் இடையிலான உள்நாட்டு மோதல்கள் காரணமாக 1971 ஆம் ஆண்டில் கிழக்கு பாகிஸ்தான் தனி நாடாகப் பிரிக்கப்பட்டு பங்களாதேஷ் எனப் பெயர் சூட்டப்பட்டது. Image Source: unsplash-com

துருக்கி - துருக்கியே!

துருக்கி தனது பெயரை 2022 இல் அதிகாரப்பூர்வமாக துருக்கியே என மாற்றியது. தங்களது நாட்டின் கலாச்சாரம் மற்றும் பண்பாட்டை இது சிறந்த முறையில் எடுத்துக்காட்டுவதாக அந்நாட்டு ஜனாதிபதி குறிப்பிட்டுள்ளார். Image Source: unsplash-com

சியாம் - தாய்லாந்து!

1948 ஆம் ஆண்டில் சியாம் என்கிற பெயர் அதிகாரப்பூர்வமாக தாய்லாந்து என மாற்றப்பட்டது. சியாம் என்கிற பெயர் அவர்களது பாரம்பரியத்தை முழுமையாகப் பிரதிபலிக்காததால் இந்த பெயர் மாற்றம் செய்யப்பட்டது. Image Source: pexels-com

பெர்சியா - ஈரான்!

1935 இல் மத்திய கிழக்கு நாடான பெர்சியா புதிய தொடக்கங்களைக் குறிக்கும் வகையில் ஈரான் எனப் பெயர் மாற்றப்பட்டது. மேற்கத்தியத் தாக்கத்தைக் குறைக்கும் நோக்கில் இந்த பெயர்மாற்றம் மேற்கொள்ளப்பட்டது. Image Source: unsplash-com

டெமாக்ரடிக் கம்போச்சியா - கம்போடியா ராஜ்ஜியம்!

மாறிவரும் ஆட்சி முறைக்கு ஏற்ப பல்வேறு பெயர் மாற்றங்களை இந்த நாடு கண்டுள்ளது. இறுதியாக 1993 இல் மீண்டும் மன்னர் ஆட்சியின் கீழ் வந்ததால் கம்போடியா ராஜ்ஜியம் எனப் பெயர் மாற்றம் பெற்றது. Image Source: unsplash-com

ரொடீசியா - ஜிம்பாப்வே!

பிரிட்டனிடம் இருந்து 1980 ஆம் ஆண்டு சுதந்திரத்தைப் பெற்றவுடன் ரொடீசியா என்ற பெயரை ஜிம்பாப்வே குடியரசு என மாற்றி பின்னர் அதிகாரப்பூர்வமாக ஜிம்பாப்வே என மறுபெயரிட்டது. Image Source: unsplash-com

Next: புத்தக விரும்பிகளை வசீகரிக்கும் உலகின் மிக அழகான 'நூலகங்கள்'

Thanks For Reading! Find out More