Jun 6, 2024
திருமணம் செய்துகொள்ளத் தயங்குபவர்கள் சொல்லும் காரணங்கள்!
Pavithraதிருமணத்தின் மீதான தயக்கம்!
திருமணம் என்பது வாழ்க்கையின் மறு பாதியைத் தீர்மானிப்பது என்பதால் அதுகுறித்த தயக்கமும், நிச்சயமற்ற உணர்வும் இருப்பது இயல்பு தான். இந்நிலையில் திருமணத்தை தவிர்க்க பொதுவாக கூறப்படும் காரணங்கள் என்னவென்று பார்ப்போம்.
Image Source: unsplash-com
பிறரது மகிழ்ச்சியற்ற திருமணங்கள்!
மற்றவரது மகிழ்ச்சியற்ற அல்லது தோல்வியடைந்த திருமணங்களைப் பார்த்ததால் அதன் மீதுள்ள ஈடுபாடு குறைகிறது. மோசமான திருமண வாழ்க்கையை விட சிங்கிளாக இருப்பதே மேல் என்கிற எண்ணம்.
Image Source: unsplash-com
சுதந்திரத்தின் மீதான விருப்பம்
தனிமையையும் சுதந்திரத்தையும் அதிகம் விரும்புபவர்கள் திருமணம் அதற்குத் தடையாக இருக்கும் என்று நினைக்கிறார்கள். பிறருக்குப் பதில் கூறுவதையும், ஒருவரைக் கேட்டு முடிவுகளை எடுப்பதையும் வெறுக்கிறார்கள்.
Image Source: unsplash-com
செலவு குறித்த பயம்
திருமணம் என்பது ஒரு நாள் கொண்டாட்டத்திற்காக வாழ்நாள் சேமிப்புகளைக் கரைக்கும் ஒரு நிகழ்வு. திருமணத்திற்கு பிறகும் குடும்பம், குழந்தைகள் என்று செலவு வளர்ந்து கொண்டே தான் போகும் என்கிற பயம்.
Image Source: unsplash-com
பொறுப்புகள்
திருமண வாழ்க்கை மிகப் பெரிய பொறுப்புகளையும் உள்ளடக்கியது. குழந்தைகளைப் பெற்று வளர்ப்பது, வீட்டைப் பராமரிப்பது, கூடுதல் சொந்தங்களையும், செலவுகளையும் சமாளிப்பது போன்ற பொறுப்புகளைக் கண்டு தயங்குவது.
Image Source: unsplash-com
சரியானவருக்கான தேடுதல்
மிகச் சரியாகப் பொருந்தும் வாழ்க்கைத் துணைக்கான தேடுதலில் தனது எதிர்பார்ப்புகளைப் பூர்த்தி செய்யும் நபர் கிடைக்காதது. அல்லது எவர் மீதும் நெருக்கமான இணக்கம் வராமல் இருப்பது.
Image Source: unsplash-com
முன்னாள் காதல்
தனது கடந்த கால காதல் அல்லது அந்த நபருடன் ஏற்பட்ட மனக்கசப்பும் காயங்களும் நீங்காத வடுவாக மனதில் நின்றிருப்பது. மோசமான அனுபவங்கள் நம்பிக்கையின்மையை ஏற்படுத்தி இருக்கக்கூடும்.
Image Source: unsplash-com
குழந்தை பெற்றுக்கொள்ள விருப்பமின்மை
திருமணம் என்பது ஒரு துணையை நம்பி குடும்பத்தைத் தொடங்குவதாகும், ஆனால் சிலர் குழந்தைகளைப் பெற்று, வளர்ப்பதில் விருப்பமில்லாததால் திருமணத்தையும் விரும்புவதில்லை.
Image Source: pexels-com
அங்கீகாரத்தின் தேவை என்ன?
தனக்குப் பிடித்த நபருடன் சந்தோஷமாகவும், குடும்பமாகவும் வாழத் திருமணத்தின் தேவை என்ன உள்ளது என்று யோசிப்பது. தங்களது உறவிற்கு மற்றவர்களின் அங்கீகாரத்தைப் பெற விருப்பமில்லாதிருத்தல்.
Image Source: unsplash-com
Thanks For Reading!