நாம் ஏன் வாழ்வில் நேர்மையாக இருக்க வேணடும் ?
Jul 23, 2024
By: Nivethaநேர்மை
நமது வாழ்வில் நாம் ஏன் நேர்மையாக இருக்க வேண்டும் என்று எப்போதாவது நாம் அனைவருமே நினைத்திருப்போம். அதற்கு காரணம் நாம் நேர்மையாக இருந்து அதனால் படும் கஷ்டங்கள் மற்றும் அவமானங்கள். நேர்மையின் காரணம் அறிய இதோ ஓர் உதாரணம்.
Image Source: pixabay
டாக்சி ஓட்டுநரின் கதை
டாக்சி ஓட்டுநர் ஒருவர் இரவு தனது கடைசி சவாரியை முடித்து விட்டு வீடு திரும்புகிறார். வண்டியை நிறுத்திவிட்டு திரும்பி பார்க்கையில் ஒரு பை நிறைய பணம் இருப்பதை பார்த்து அதிர்ச்சியடைகிறார். கடைசியாக சவாரி வந்தவரின் பணமாக தான் இருக்க வேண்டும் என்று எண்ணுகிறார்.
Image Source: pixabay
யோசனை
அந்த பணத்தை பார்த்ததும் அதை ஏன் நாமே வைத்து கொள்ள கூடாது? என்னும் எண்ணம் வருகிறது. ஆனாலும் அது தவறு, அந்த பணத்தை உரிய நபரிடம் கொண்டு கொடுக்க வேண்டும் என்று முடிவு செய்து அந்த நபரை இறக்கிவிட்ட பகுதிக்கே சென்று பணத்தை கொடுக்கிறார்.
Image Source: pixabay
ஏமாற்றம்
ஆனால் அந்த நபரோ இதற்காக இவ்வளவு தூரம் வந்தீர்கள்? இது அனைத்தும் ஷூட்டிங்கில் பயன்படுத்துவதற்காக எடுக்கப்பட்ட ஜெராக்ஸ் காபி என்று சொன்னதும் டாக்சி ஓட்டுநருக்கு ஏமாற்றம் ஏற்படுகிறது. நொந்துபோன அவர் இது குறித்த அனைத்தையும் வீட்டிற்கு சென்று தனது மனைவியிடம் எடுத்துரைக்கிறார்.
Image Source: pixabay
நஷ்டம்
நேர்மையாக இருக்க எண்ணி அந்த பணத்தை அவ்வளவு தூரம் எடுத்து சென்றதால் தனக்கு இன்று ரூ.200 பெட்ரோல் செலவு தான் மிச்சம் என்றும், நேர்மையாக இருக்க நினைத்ததற்கு தனக்கு நஷ்டம் தான் பரிசாக கிடைத்தது என்றும் புலம்புகிறார்.
Image Source: pexels
மனைவியின் பதில்
தனது கணவரின் புலம்பலை கேட்டு முடித்த மனைவி, நீங்கள் அந்த பணத்தை கொண்டு கொடுக்காமல் செலவு செய்திருந்தால் இந்நேரம் போலி பணத்தை கொண்டு ஏமாற்றிய குற்றத்திற்காக ஜெயிலில் இருந்திருப்பீர்கள் என்று கூறுகிறார்.
Image Source: pixabay
கதையின் நீதி
இந்த கதையில் வருவது போல் நம்முள் பலர் நேர்மையாக இருக்கும் நமக்கு தான் இவ்வளவு பிரச்சனைகள் வருகிறது, நஷ்டம் ஏற்படுகிறது என்று நினைத்திருப்போம். நேர்மையாக இல்லாமல் இருந்திருந்தால் இந்நேரம் நன்றாக வாழ்ந்திருப்போம் என்று கூட எண்ணியிருக்கலாம். ஆனால் அது தவறு.
Image Source: pexels
காலம் பதில் சொல்லும்
ஒருவர் நேர்மையாக இருக்கிறார் என்றால் அவருக்கான பலன் உடனடியாக வேண்டுமானால் கிடைக்காமல் இருக்கலாம். ஆனால் என்றாவது ஒரு நாள் ஓர் சூழ்நிலையில் அவர் நேர்மையாக செயல்பட்டதற்கான பலன் கால தாமதம் ஏற்பட்டாலும் அவரை நிச்சயம் வந்து சேரும்.
Image Source: pixabay
நேர்மையின் பரிசு
நாம் நேர்மையாக இருந்துவிட்டால் நிச்சயம் படுத்தவுடன் தூக்கம் வந்து விடும். யாருக்கும் எதற்கும் பயம் கொள்ள வேண்டிய அவசியம் இருக்காது. நமக்கான வெற்றி நிச்சயம் நம்மை வந்து சேரும். நிம்மதியான வாழ்வு கிட்டும். இதுவே நேர்மையாக இருப்போருக்கு காலம் கொடுக்கும் பரிசு.
Image Source: Samayam Tamil
Thanks For Reading!