Aug 15, 2024
நீரிழிவு நோயாளிகள் பால் குடிக்கலாமா ?
Nivethaநீரிழிவு நோயின் தாக்கம்
இந்தியாவில் 7 கோடி பேருக்கும் மேல் நீரிழிவு நோயால் பாதிக்கப்பட்டுள்ளார்கள் என்று புள்ளி விவரங்கள் கூறுகிறது. இதன் காரணமாக உலகளவில் இந்தியா நீரிழிவு நோயின் தலைநகரமாக அறியப்படுகிறது. அதிகளவு கலோரிகள், ஆரோக்கியமற்ற உணவு, உடலுக்கு செயல்பாடுகள் கொடுக்காமல் இருப்பது உள்ளிட்டவை இதற்கான காரணமாக கூறப்படுகிறது.
Image Source: istock
சமசீரான உணவுகள்
ரத்தத்தில் சர்க்கரை அளவு அதிகரிக்கும் பட்சத்தில் இந்த நீரிழிவு நோயின் தாக்கம் அதிகரிக்கும். எனவே, அதிகளவு நார்சத்து மற்றும் குறைந்தளவு கொழுப்பு நிறைந்த உணவுகளை சாப்பிடும்படி மருத்துவர்கள் பரிந்துரை செய்கிறார்கள்.
Image Source: istock
பால்
இந்நிலையில் நீரிழிவு நோயாளிகள் பால் குடிக்கலாமா வேண்டாமா என்பது குறித்த குழப்பம் மக்கள் மத்தியில் நீடித்து வருகிறது. ஏனெனில் நீரிழிவு நோயாளிகள் தங்கள் உணவில் அதிக கவனம் செலுத்த வேண்டும் என்பது நிபுணர்களின் அறிவுறுத்தல்.
Image Source: istock
கவனம் தேவை
நீரிழிவு நோய் உள்ளவர்கள் தங்கள் உணவில் அதிகளவு கவனம் செலுத்தி ரத்தத்தில் சர்க்கரை அளவை அதிகரிக்காமல் தற்காத்து கொள்வது அவசியம். அப்போது தான் அவர்கள் நீண்டநாட்கள் எவ்வித பாதிப்புகள் இன்றி வாழ முடியும். சற்று கவனம் சிதறினாலும் ரத்தத்தின் சர்க்கரை அளவு அதிகரித்து விடும்.
Image Source: istock
கொழுப்பு சத்து
நமது அன்றாட உணவில் பால் என்பது ஓர் இன்றியமையாத உணவு பொருளாக இருந்து வருகிறது. பாலில் ப்ரோட்டீன், கால்சியம், வைட்டமின் டி உள்ளிட்ட ஊட்டச்சத்துக்கள் நிறைந்துள்ளது. எனினும் இதில் ரத்தத்தின் சர்க்கரை அளவை அதிகரிக்கக்கூடிய கொழுப்பு சத்துக்கள் உள்ளதாக கூறப்படுகிறது.
Image Source: istock
எலும்பு முறிவு
பாலில் அதிகளவு கொழுப்பு சத்து உள்ளது என்பது உண்மை தான். ஆனால் இதனை உட்கொள்வதால் ரத்தத்தின் சர்க்கரை அளவு அதிகரிக்கும், நீரிழிவு நோய் ஏற்படும் என்று கூறுவதற்கு ஆதாரம் ஏதுமில்லை. அதே போல் நீரிழிவு நோயாளிகளுக்கு எலும்பு முறிவு போன்ற பிரச்சனைகள் ஏற்படுகிறது. அதனை தடுக்க கால்சியம் அதிகமுள்ள பாலை குடிப்பதை தவிர வேறு வழி இல்லை.
Image Source: istock
ப்ரோட்டீன்
ரத்த சர்க்கரை அளவை கட்டுப்படுத்துவதில் ப்ரோட்டீன் அதிகளவு பங்கினை வகிக்கிறது. எனவே ப்ரோட்டீன் அதிகமுள்ள பாலை தினசரி உணவில் சேர்த்து கொள்ளும்படி மருத்துவர்கள் பரிந்துரை செய்கிறார்கள். ஆனால் ஆரோக்கியமற்ற உணவில் பாலை சேர்த்து உட்கொள்ளக்கூடாது என்பது குறிப்பிடத்தக்கது.
Image Source: istock
எப்படி தேர்வு செய்வது ?
நீரிழிவு நோயாளிகள் குடிக்கும் பாலை தேர்ந்தெடுப்பதிலும் கவனம் தேவை. கார்போஹைட்ரேட் குறைந்த பாலினை குடிக்கலாம் என்று மருத்துவர்கள் பரிந்துரைக்கிறார்கள். அதே போல் கொழுப்பு நீக்கப்பட்ட பாலினை தேர்வு செய்து குடிப்பது சிறந்தது.
Image Source: pexels
இதய நோய்
நிறைவுற்ற கொழுப்புகள் பாலில் அதிகம் உள்ளதால் இதனை நாம் தொடர்ந்து உட்கொள்வதால் இதய நோய் போன்ற பிரச்சனைகளை ஏற்படுத்தும் என்றும் மருத்துவர்கள் கூறுகிறார்கள். எனவே, செறிவூட்டப்பட்ட பாலை வாங்கி பயன்படுத்தி ஆரோக்கியமாக இருங்கள், தேவைப்பட்டால் மருத்துவர் ஆலோசனையை பெற்று கொள்ளுங்கள்.
Image Source: istock
Thanks For Reading!