Jul 22, 2024
பக்கவாதம் ஏற்படுவதை தடுக்கும் ஒரு சில உணவுகள்
Nivethaபக்கவாதம்
பொதுவாக பக்கவாதம் அதிகளவு கோபம் கொள்பவர்கள், உயர் ரத்த அழுத்தம் உடையோர் ஆகியோர்களை எளிதில் தாக்கக்கூடும் என்று கூறப்படுகிறது. எனவே, பக்கவாத பாதிப்பு ஏற்படாமல் இருக்க கோபத்தை குறைப்பதும், ரத்த அழுத்தத்தை கட்டுக்குள் வைப்பதும் மிக அவசியமான ஒன்றாகும்.
Image Source: pixabay
உப்பு
உணவில் உப்பின் அளவை குறைத்து சாப்பிடுவது என்றும் நல்லது. முடிந்தால் உப்பை உணவில் சேர்ப்பதை முற்றிலும் தவிர்த்து விடுங்கள். இதன் மூலம் பக்கவாத பாதிப்பை முன்கூட்டியே ஏற்படாமல் தடுத்து விடலாம் என்று மருத்துவ நிபுணர்கள் கூறுகிறார்கள்.
Image Source: istock
மீன் வகைகள்
அதிகளவு கொழுப்பு நிறைந்த மீன்களில் ஒமேகா3 என்னும் கொழுப்பு அமிலங்கள் இருக்கும். இதனை சாப்பிடுவதன் மூலம் ரத்த நாளங்கள் ஆரோக்கியமாக இருப்பதோடு, ரத்த கட்டிகள் ஏற்படுவதும் தவிர்க்கப்படுகிறது. இதனை பக்க வாதத்தால் பாதிக்கப்பட்டோரும் தொடர்ந்து சாப்பிட்டு வந்தால் நல்ல பலன் கிடைக்கும்.
Image Source: istock
தானிய வகைகள்
முழு தானியங்களில் நார்சத்து, வைட்டமின்கள் உள்ளிட்டவை இருக்கிறது, இது ரத்த அழுத்தத்தை கட்டுக்குள் வைக்கவும், கொலஸ்ட்ரால் அளவை சீராக வைத்திருக்கவும் பயன்படுகிறது. இதனை எடுத்து கொள்ளும் பட்சத்தில் பக்கவாதம் ஏற்படாமல் தடுப்பதோடு, பக்கவாத நோயாளிகள் குணமடையவும் உதவுகிறது.
Image Source: istock
பழங்கள்-காய்கறிகள்
பழங்கள் மற்றும் காய்கறிகளில் அதிகளவு நார்சத்து, தாதுக்கள் ஆகியன இருக்கும். இதனை தொடர்ந்து சாப்பிடுவதன் மூலம் ரத்த அழுத்தம் மற்றும் கொலஸ்ட்ரால் குறைவதோடு, ரத்த நாளங்களை ஆரோக்கியமாக வைத்து பக்கவாத பாதிப்பிலிருந்து நம்மை பாதுகாக்கிறது.
Image Source: istock
ஆலிவ் எண்ணெய்
ஆலிவ் எண்ணெய்யில் அதிகளவு கொழுப்பு சத்து உள்ளது. இது ரத்த அழுத்தத்தை குறைக்க உதவுவதோடு, கொலஸ்ட்ரால் அளவையும் சீராக வைத்து பக்கவாத பாதிப்பினை தடுக்கிறது. ஆனால் இதனை அதிகளவு எடுத்து கொள்வது நல்லதல்ல.
Image Source: istock
குறைந்த கொழுப்பு கொண்ட பால் பொருட்கள்
பொதுவாக பால் பொருட்களில் கால்சியம், வைட்டமின் டி உள்ளிட்டவை அதிகம். இது எலும்புகளுக்கு வலு சேர்க்கும், அதோடு ரத்த அழுத்தத்தையும் குறைக்கும். எனவே பன்னீர், பால், சீஸ், தயிர் போன்ற பால் பொருட்களை அவ்வப்போது உணவில் சேர்த்து கொள்ளுங்கள்.
Image Source: istock
நட்ஸ், விதைகள்
நமது தினசரி உணவில் பாதாம், வேர்க்கடலை, வால்நட்ஸ், சூரியகாந்தி விதைகள் போன்ற நட்ஸ், விதைகள் உள்ளிட்ட பொருட்களை அளவாக எடுத்து கொள்வது நல்லது. இதன் மூலம் பக்கவாத பாதிப்பிலிருந்து தப்பலாம்.
Image Source: istock
தவிர்க்க வேண்டியவை
என்னதான் பல்வேறு சத்தான உணவுகள், பழங்கள் உள்ளிட்டவைகளை நாம் எடுத்து கொண்டாலும் ஒரு சில தீய பழக்கவழக்கங்களை நாம் தவிர்ப்பது மிக முக்கியம். உதாரணமாக புகைப்பிடிக்கும் பழக்கம் இருந்தால் உடனடியாக நிறுத்தவும். அதேபோல் உடற்பயிற்சி மேற்கொள்வதோடு, 6 மாதத்திற்கு ஒருமுறை மருத்துவ பரிசோதனை செய்வது அவசியம்.
Image Source: Samayam Tamil
Thanks For Reading!