Jun 7, 2024
பாலை காய்ச்சாமல் பருகுவது நல்லதா? பச்சை பாலை பருகுவதன் ஆபத்துகள் என்ன?
mukesh Mபச்சை பால் - நல்லதா? கெட்டதா?
கால்சியம் நிறைந்த பாலின் நுகர்வு நம் உடல் ஆரோக்கியம் காப்பதில் முக்கிய பங்கு வகிக்கிறது. இருப்பினும் இந்த பாலை காய்ச்சால் பச்சையாக பருகுவது நல்லது அல்ல என நிபுணர்கள் எச்சரிக்கின்றனர்!
Image Source: pexels-com
ஏன் பருக கூடாது!
அமெரிக்க ஆய்வாளர்கள் நடத்திய ஆய்வு ஒன்றில் பாலை காய்ச்சாமல் பருகுவது கிருமி தொற்றுகள் மற்றும் கிருமி தொற்றுடன் தொடர்புடைய பல்வேறு பிரச்சனைகளுக்கு வழிவகுக்கும் என கண்டறிந்துள்ளனர்.
Image Source: istock
என்னென்ன கிருமிகள்?
குறித்த இந்த ஆய்வின் முடிவு, பச்சை பாலில் Salmonella, E. coli, Campylobacter, Staphylococcus aureus, Yersinia, Brucella, Coxiella மற்றும் Listeria போன்ற பாக்டீரியாக்களும்; H5N1 avian influenza (பறவை காய்ச்சல்) வைரஸ் மற்றும் பல கிருமிகள் இருக்கலாம் என கூறுகிறது.
Image Source: istock
ஆபத்துக்கள் என்ன?
கிருமி நிறைந்து காணப்படும் இந்த பாலை பருகும் நபர்களுக்கு ஒவ்வாமை பிரச்சனையில் துவங்கி காலரா, பறவை காய்ச்சல் போன்ற உயிருக்கும் ஆபத்து விளைவிக்கும் கொடிய நோய்கள் வரை உண்டாகலாம்!
Image Source: istock
யாரை அதிகம் பாதிக்கும்?
நிபுணர்கள் கூற்றுப்படி இந்த பச்சை பாலின் தாக்கம் ஆனது கர்ப்பிணிகள், குழந்தைகள், நீரிழிவு உள்ளிட்ட நாள்பட்ட நோய் கொண்டிருக்கும் நபர்கள், முதியவர்களை அதிகம் தாக்கும் என கூறப்படுகிறது.
Image Source: istock
ஏன் இவர்களை குறிவக்கிறது?
நிபுணர்கள் கூற்றுப்படி கர்ப்ப காலத்தில் பெண்கள் எதிர்கொள்ளும் ஊட்டச்சத்து குறைபாடு அவர்களின் நோய் எதிர்ப்பு சக்தியை குறைத்து இந்த கிருமி தொற்றினை உண்டாக்குகிறது.
Image Source: istock
கண்டறிய வழிகள் உண்டா?
பச்சை பாலால் உண்டாகும் நோய்களை நாம் ஒரு சில அறிகுறிகள் வைத்து அறிந்துக்கொள்ளலாம். இந்த வகையில் இந்த பிரச்சனை கொண்ட நபர்கள் வயிற்று போக்கும், வாந்தி - குமட்டல், அடிவயிற்று வலி, உடல் வலி, காய்ச்சல் உள்ளிட்ட பிரச்சனைகளை நோயின் ஆரம்ப நிலையில் சந்திக்கின்றனர்.
Image Source: istock
பால் மட்டும் அல்ல!
குறித்த இந்த கிருமி தொற்றுக்கள் காய்ச்சாத பாலில் இருந்து மட்டும் பரவுவது இல்லை. காய்ச்சால பால் பயன்படுத்தி தயார் செய்யப்படும் சீஸ், வெண்ணெய் உள்ளிட்ட உணவு பொருட்களின் மூலமும் பரவலாம். எனவே, எச்சரிக்கையாக இருங்கள்!
Image Source: istock
அலட்சியம் காட்டாதீர்கள்!
காய்ச்சாத பச்சை பாலின் நுகர்வால் உண்டாகும் இந்த கிருமி தொற்றுக்களை தவிர்க்க பாலை முறையாக காய்ச்சி பருகுவது நல்லது. அதேநேரம், பால் மூலம் பரவும் தொற்றுக்களை சமாளிக்க, மருத்துவ உதவி நாடுவது நல்லது!
Image Source: istock
Thanks For Reading!