Aug 14, 2024
BY: Nivethaமணக்கும் சாம்பாருக்கு தேவையான சாம்பார் பொடி செய்வது எப்படி ?
சாம்பார்
சாம்பார் என்பது நமது இந்தியாவில் பெரும்பாலான பகுதிகளில் செய்யப்படும் மற்றும் அதிகளவு விரும்பி சாப்பிடும் ஒருவகை உணவு வகை. இதன் செய்முறைகள் மாறினாலும், இதன் மீதான விருப்பம் எப்போதும் விட்டு போவதில்லை. இந்நிலையில் மணமான சாம்பார் வைக்க தேவையான பொடியை தயார் செய்வது எப்படி என்று இப்பதிவில் பார்ப்போம்.
Image Source: istock
தேவையான பொருட்கள்
க.பருப்பு 20 கிராம், து.பருப்பு 20 கிராம், உளுந்து 20 கிராம், மல்லி 100 கிராம், வரமிளகாய் 100 கிராம், அரிசி 20 கிராம், சீரகம் 4 டீஸ்பூன், வெந்தயம் 2 டீஸ்பூன், மஞ்சள் தூள் 1 டீஸ்பூன், பெருங்காயம் 1 டீஸ்பூன், கடுகு 1 டீஸ்பூன், கருப்பு மிளகு 1 டீஸ்பூன் உள்ளிட்ட பொருட்களை எடுத்து கொள்ளுங்கள்.
Image Source: istock
செய்முறை
அடுப்பில் வாணலியை வைத்து அது சூடான பின்னர் அதில் வரமிளகாய், துவரம் பருப்பு, உளுத்தம்பருப்பு, கடலை பருப்பு, வெந்தயம், சீரகம், மிளகு, மல்லி, கடுகு ஆகியவற்றை போட்டு தனித்தனியே நன்கு வறுத்து சிவந்து வருகையில் எடுத்து கொள்ளுங்கள்.
Image Source: istock
கருக்கி விடாதீர்
அனைத்து பொருட்களையும் மிதமான சூட்டில் வைத்து வறுக்க வேண்டும். சூடு அதிகமாக இருக்கையில் வறுத்து கருக்கி விடாதீர்கள். ஏனெனில் இது கருகினால் சாம்பாரில் சேர்க்கும் பட்சத்தில் கசப்பான சுவையை அளிக்கும்.
Image Source: istock
மிக்சி ஜார்
வறுத்து எடுத்த பொருட்களை நன்கு ஆற விடவும். பின்னர் அதனை மிக்சி ஜாரில் போட்டு கொரகொரப்பாக அரைத்து எடுத்து கொள்ளுங்கள். பின்னர் அதில் பெருங்காயம், மஞ்சள் தூள், காய்ந்த கறிவேப்பிலை ஆகியவற்றை சேர்த்து மீண்டும் நன்கு அரைத்து எடுத்து கொள்ளுங்கள்.
Image Source: istock
டப்பாக்கள்
அவ்வளவு தான் சுவையான மற்றும் மணமான சாம்பாருக்கு தேவையான சாம்பார் பொடி தயார். அரைத்து எடுத்த பொடியை நன்கு சூடு இல்லாமல் ஆறவிட்டு பின்னர் அதனை காற்று புகாத டப்பாக்களில் சேமித்து வைத்து கொள்ளுங்கள்.
Image Source: istock
நீண்ட நாட்கள்
வீட்டிலேயே சுத்தமாக நாம் தயார் செய்துள்ள இந்த சாம்பார் பொடியை நாம் சேமித்து வைத்து நீண்ட நாட்கள் பயன்படுத்தி கொள்ளலாம். சாம்பாருக்கு சேர்க்கும் இதர மசாலா பொருட்களோடு இந்த பொடியை சேர்த்தால் சுவையான சாம்பார் கிடைக்கும்.
Image Source: istock
உப்பு
இப்பொடியை தயாரிக்க பயன்படுத்தப்படும் மிளகாய் மற்றும் மல்லியை வெயிலில் நன்கு உலர வைத்து எடுத்து கொள்ளலாம். இதர பொருட்களை மட்டும் கூட வறுத்து அதனுடன் மிளகாய் மற்றும் மல்லியை போட்டு அரைத்து கொள்ளலாம். மேலும் இப்பொடியில் சிறிதளவு உப்பு சேர்த்தால் சாம்பார் பொடி நீண்ட நாட்கள் கெடாமல் இருக்கும்.
Image Source: istock
குறிப்பு
இதற்கிடையே மிளகாயை வெயிலில் அதிக நேரம் காய வைக்க வேண்டாம் என்று கூறுகிறார்கள். ஏனெனில் இதனை நீங்கள் மெஷினில் அரைக்க கொடுக்கும் பொழுது அரைத்து தருபவர்களுக்கு நாசிகளில் பிரச்சனை ஏற்படுகிறதாம். மேலும் இது மெஷின் சூட்டுலேயே நன்கு காய்ந்து அரைப்படும் என்றும் கூறுகிறார்கள்.
Image Source: pexels
Thanks For Reading!