Jul 31, 2024
மீனை போலவே மீன் முட்டையில் இருக்கும் மருத்துவ நன்மைகள் அறிவோம் வாருங்கள்
Nivethaமீன்கள்
மீன்கள் என்றாலே பிடிக்காதோர் இருக்க முடியாது, வெறும் சுவை மட்டுமல்ல மீன்களில் நிறைந்திருக்கும் ஏராளமான ஊட்டச்சத்துக்களும் இதற்கு காரணம். ஆனால் மீன்களை போலவே அதன் முட்டைகளிலும் பல்வேறு நன்மைகள் உள்ளது என்பது பலருக்கும் தெரியாத ஒன்றாகும்.
Image Source: istock
மீன் முட்டைகள்
மீன்களில் இருக்கும் சத்துக்களை விட அதன் முட்டைகளில் அதிகளவு சத்துக்கள் இருக்கிறது என்று நிபுணர்கள் கூறுகிறார்கள். இதனை சாப்பிட்டால் உடலில் இருக்கும் பல்வேறு பிரச்சனைகளுக்கு தீர்வு கிடைக்கும், குறிப்பாக நோய் எதிர்ப்பு சக்தி அதிகரிக்கும்.
Image Source: istock
ரத்த சுத்திகரிப்பு
மீன் முட்டைகளை உட்கொள்வதால் நம் உடலிலுள்ள ரத்தம் சுத்திகரிக்கப்படுகிறது, ஹீமோகுளோபின் அளவு அதிகரிக்க செய்கிறது. எனவே இதனை கர்ப்பிணி பெண்கள், பாலூட்டும் தாய்மார்கள் ஆகியோர்களுக்கு சாப்பிட கொடுக்கலாம்.
Image Source: istock
மூளை ஆரோக்கியம்
மீன் முட்டைகளில் அதிகளவு ஒமேகா 3 என்னும் நல்ல கொழுப்புகள் நிறைந்துள்ளது. இது நமது உடலால் உற்பத்தி செய்யமுடியாத ஓர் கொழுப்பு அமிலமாகும். இந்த கொழுப்புச்சத்து நமது மூளையின் செயல்பாடு மற்றும் திறனை மேம்படுத்த உதவுகிறது. இதனால் மீன் முட்டைகளை சாப்பிடுவதன் மூலம் நினைவாற்றல் மற்றும் மூளையின் சுறுசுறுப்பு அதிகரிக்கும்.
Image Source: istock
கண் பார்வை
மீன்கள் மற்றும் மீன்களின் முட்டைகளில் DHA, EPA, வைட்டமின் ஈ போன்ற ஊட்டச்சத்துக்கள் உள்ளது. இது கண்களின் பார்வை திறனை மேம்படுத்தும். மேலும் ஒருவருக்கு ஒமேகா 3 கொழுப்பு அமிலங்கள் உடலில் குறைந்தால் கண் பார்வை சம்மந்தப்பட்ட பல பிரச்சனைகள் ஏற்படக்கூடும், அதனால் தான் மீன் கண்களுக்கு நல்லது என்கிறார்கள்.
Image Source: istock
இதய ஆரோக்கியம்
மீன்கள் மற்றும் மீன் முட்டைகளில் இருக்கும் ஒமேகா 3 கொழுப்பு அமிலங்கள் உடலிலுள்ள கெட்ட கொழுப்புகளை வெளியேற்ற பயன்படுகிறது. இதனால் அடிக்கடி மீன்கள் மற்றும் மீன் முட்டைகளை சாப்பிட்டு வந்தால் இதய ஆரோக்கியம் மேம்படும், இதய பாதிப்பு இருப்போர் இறக்கும் விகிதமும் குறைகிறது என்று கூறுகிறார்கள்.
Image Source: istock
பற்கள் மற்றும் எலும்புகள்
வைட்டமின் டி, பாஸ்பரஸ், மெக்னீசியம், கால்சியம் உள்ளிட்ட சத்துக்கள் மீன் முட்டைகளில் நிறைந்து காணப்படுகிறது. இதனை சாப்பிடும் பட்சத்தில் பற்கள் மற்றும் எலும்பு சார்ந்த பிரச்சனைகள் ஏதும் ஏற்படாமல் தடுக்கும், அதுமட்டுமில்லாமல் பற்கள் மற்றும் எலும்புகள் வலுபெறக்கூடும்.
Image Source: istock
உயர் ரத்த அழுத்தம்
சமீபத்தில் நடத்தப்பட்ட ஒருசில ஆய்வுகளில் மீன் முட்டைகளை அடிக்கடி உணவில் சேர்த்து கொள்வதன் மூலம் உயர் ரத்த அழுத்தம் கட்டுப்படுத்தப்படுகிறது என்பது நிரூபணமாகியுள்ளது. ரத்தம் உறைதல், உடலிலுள்ள அழற்சி போன்றவை ஏற்படுவதையும் மீன் முட்டைகளில் இருக்கும் சத்துக்கள் தடுக்கிறது.
Image Source: pexels
மார்பக புற்றுநோய்
பெண்கள் அடிக்கடி தங்கள் உணவில் மீன் முட்டைகளை எடுத்துக்கொண்டால் மார்பக புற்றுநோய் ஏற்படும் அபாயத்திலிருந்து தப்பிக்கலாம். ஏனெனில் ஒமேகா 3 கொழுப்பு அமிலங்கள் நிறைந்த உணவுகள் மார்பக புற்றுநோய் ஏற்படுவதை தடுப்பதாக ஆய்வுகளின் தகவல்கள் தெரிவிக்கிறது.
Image Source: istock
Thanks For Reading!