Aug 16, 2024
ரம்புட்டான் பழங்களை யாரெல்லாம் சாப்பிட கூடாது என்று தெரியுமா ?
Nivethaரம்புட்டான் பழங்கள்
ரம்புட்டான் பழங்கள் வெளிப்புறத்தில் பார்க்க முட்கள் போன்று கரடு முரடாக காணப்பட்டாலும், உள்ளே இருக்கும் பழம் அதிகளவு சுவை கொண்டது. இதன் தாயகம் மலேசியா, இந்தோனேஷியாவாக இருக்கும் பட்சத்தில் இந்தியாவில் ஆங்கிலேயர்கள் ஆட்சி செய்த காலத்தில் தமிழகத்தின் மலைப்பகுதிகளில் பயிரிடப்பட்டிருக்கலாம் என்று கூறப்படுகிறது.
Image Source: pexels
சுவை
ரம்புட்டான் பழங்கள் காயாக இருக்கும் பொழுது பச்சையாகவும், பழுத்த பின்னர் சிவப்பு அல்லது மஞ்சள் நிறத்திலும் காணப்படும். இதன் சுவை இனிப்பு மற்றும் புளிப்பு என இரண்டையும் கலந்ததாக இருக்கும். இந்த பழங்கள் காய்க்கும் நேரத்தில் இம்மரத்தை அணில், வவ்வால் உள்ளிட்டவைகளிடம் இருந்து பாதுகாக்க வலை போட்டு மூடி விடுவார்கள்.
Image Source: pexels
கர்ப்பிணிகள்
ரம்புட்டான் பழத்தில் ஏராளமான நன்மைகள் நிறைந்திருந்தாலும் இப்பழத்தை கர்ப்பிணிகள் சாப்பிடாமல் தவிர்ப்பது நல்லது. ஏனெனில், இப்பழத்தை சாப்பிட்டால் வயிற்றில் வெப்பத்தை ஏற்படுத்தக்கூடும். மேலும் கரு சிதைவு ஏற்படவும் வாய்ப்புகள் அதிகம்.
Image Source: pexels
நீரிழிவு நோயாளிகள்
டைப் 2 நீரிழிவு நோயாளிகள் இப்பழத்தை அதிகளவில் சாப்பிடும் நிலையில் அது ரத்தத்தின் சர்க்கரை அளவை அதிகரிக்க செய்யும் என்று கூறப்படுகிறது. அதனால் இப்பழத்தை சர்க்கரை நோயாளிகள் தவிர்ப்பது நல்லது. மேலும் பூசணி விதைகள் போன்ற இதர விதைகள் போல் இல்லாமல் ரம்புட்டான் விதைகளில் சற்று நச்சுத்தன்மைகள் உள்ளது குறிப்பிடத்தக்கது.
Image Source: pexels
உயர் ரத்த அழுத்தம்
நன்கு பழுத்த ரம்புட்டான் பழங்களை அதிகளவு சாப்பிடும் பொழுது அதிலிருக்கும் சர்க்கரை அமிலத்தன்மையை அளிக்கிறது. இது நமது உடலிலுள்ள கொழுப்பின் அளவு மற்றும் ரத்த அழுத்தத்தை மாற்றி செயலமைக்க அதிக வாய்ப்புள்ளதால் உயர் ரத்த அழுத்தம் உள்ளவர்கள் மருத்துவர் ஆலோசனையை பெற்ற பின்னர் இப்பழத்தை சாப்பிடுவது நல்லது.
Image Source: pexels
குழந்தைகள்
ரம்புட்டான் பழங்களில் ஏராளமான நன்மைகள் இருந்தாலும் இப்பழத்தை குழந்தைகளுக்கு கொடுக்கும் பொழுது கவனம் தேவை. ஏனெனில், வழுவழுப்பான இப்பழத்தை சாப்பிடும் பொழுது குழந்தைகளின் தொண்டையில் சிக்கி கொள்ள வாய்ப்புகள் அதிகம்
Image Source: pexels
விளைச்சல்
ரம்புட்டான் மரத்தை நடவு செய்து இரண்டரை வருடம் நல்ல முறையில் வளர்க்கப்படும் பட்சத்தில் 3வது ஆண்டில் காய் வைக்க துவங்கும். பின்னர் 5வது வருடம் முதல் விளைச்சல் துவங்கும். ஆனால் இம்மரத்தை 20 அடிக்கு மேல் வளர விட கூடாதாம்.
Image Source: pexels
சீசன்
இப்பழத்தின் சீசன் காலம் என்று பார்த்தால் அது ஜூன், ஜூலை, ஆகஸ்ட் ஆகிய மாதங்கள் தான். இம்மாத காலங்களில் இப்பழம் ஒரு கிலோ ரூ.200 முதல் ரூ.500 வரை விற்பனை செய்யப்படுகிறது என்பது குறிப்பிடவேண்டியவை ஆகும்.
Image Source: pexels
மலாய் வார்த்தை
ரம்புட்டான் என்னும் பெயர் 'ரம்புட்' என்னும் மலாய் வார்த்தையில் இருந்து வந்துள்ளது. 'ரம்புட்' என்றால் முடி, இப்பழத்தின் வெளிப்புறம் முடி இருப்பது போல் காணப்படுவதால் இதற்கு இப்பெயர் வந்துள்ளது. ரம்புட்டான் பழம் பல்வேறு நன்மைகளை தரக்கூடியது என்பதால் அளவாக சாப்பிட்டு ஆரோக்கியமாக இருங்கள்.
Image Source: pexels
Thanks For Reading!