வீட்டிலேயே எளிய முறையில் கிராம்பு செடி வளர்ப்பது எப்படி ?
Aug 1, 2024
By: Nivethaகிராம்பு
கிராம்பு என்பது ஸ்பைசஸ் வகைகளில் மிக முக்கிய ஒன்று, இந்திய சமையலில் நீங்கா இடம்பெற்றுள்ளது. இந்நிலையில் நீங்கள் வீட்டு தோட்டம் அல்லது தோட்டக்கலையில் ஆர்வம் உள்ளவர்களாக இருந்தால் உங்களுக்கான பதிவு தான். வீட்டிலேயே கிராம்பு செடியை எப்படி வளர்ப்பது என்று பார்ப்போம்.
Image Source: pexels
வெப்பநிலை மற்றும் ஈரப்பதம்
கிராம்பு செடிகள் நன்றாக வளர அதற்கு வெப்பநிலை சுமார் 15 டிகிரி செல்ஸியஸுக்கும் குறைவாக இருக்க வேண்டும். அதே போல் இந்த செடிக்கு 60ல் இருந்து 70 சதவீதம் வரையிலான அதிகளவு ஈரப்பதமும் தேவைப்படுகிறது.
Image Source: istock
சூரிய ஒளி
கிராம்பு செடிகளுக்கு முன்னே கூறப்பட்ட வெப்பநிலை மற்றும் ஈரப்பதமுள்ள இடத்தில் நீங்கள் வசிக்கும் பட்சத்தில் உங்கள் கிராம்பு செடியை நீங்கள் வீட்டிற்கு வெளியில் வைத்தே வளர்க்கலாம். ஆனால், கிராம்பு செடியை தொடர்ந்து 3 மணிநேரத்திற்கு மேல் சூரிய ஒளியில் வைக்கக்கூடாது.
Image Source: istock
வளமான மண்
கிராம்பு செடியை நாம் வீட்டில் வளர்க்க வேண்டுமெனில் அதற்கு மிக முக்கியமானது நல்ல வளமான களிமண். இந்த செடிக்கான மணலை நன்கு வடிகட்டி எடுத்து கொள்ள வேண்டும். மேலும் இந்த மண்ணை அதிக வளமாக்க கரி, பாசி, உரம் போன்ற பொருட்களை பயன்படுத்துங்கள்.
Image Source: istock
நடவு முறை
உங்கள் கிராம்பு செடி முளைவிட அதிகளவு ஈரப்பதம் தேவை என்பதால் அதனை முதலில் உறுதி செய்து கொள்ளுங்கள். மண் எப்பொழுதும் ஈரப்பதமாக இருக்க வேண்டும் ஆனால் அதில் நீர் தேங்கி விடக்கூடாது. மண்ணின் மேலடுக்கில் தான் விதைகளை நடவு செய்ய வேண்டும். பகுதியளவு வெயில் படும்படி தொட்டியை வைக்கவும்.
Image Source: istock
விதைகள்
கிராம்பு செடிக்கான விதைகள் நர்சரிகளில் கிடைக்கும். அதனை வாங்கி பயன்படுத்தி கொள்ளலாம், ஆனால் அந்த விதைகள் உலர்த்தப்படாமல் பார்த்து கொள்வது அவசியம். கிராம்பு செடிக்கு அதிகளவு பராமரிப்பு மற்றும் கண்கண்ணிப்பு தேவைப்படும் என்பது குறிப்பிடவேண்டியவை.
Image Source: istock
தண்ணீர் பாய்ச்சல்
கிராம்பு செடிகளுக்கு முன்னர் கூறியது போல் ஈரப்பதம் என்பது மிகவும் அவசியமான ஒன்று. இளம் கிராம்பு செடி நன்றாக வளர அதற்கு அதிகளவு தண்ணீர் தேவைப்படும். நீங்கள் குளிர் மற்றும் மழை பெய்யும் பகுதிகளில் வாழ்ந்தால் பிரச்சனை இல்லை. அதுவே வெப்பம் சற்று அதிகமுள்ள இடம் என்றால் மண் காயாமல் அவ்வப்போது தண்ணீர் ஊற்றி கவனிக்க வேண்டும்.
Image Source: istock
பூச்சி மற்றும் நோய் பாதிப்பு
கிராம்பு செடிகளில் எளிதில் பூச்சிகள் மற்றும் இதர நோய் பாதிப்புகள் ஏற்பட்டு விடும். அதனால் அதனை கண்காணித்து அப்படி பாதிக்கப்பட்டிருந்தால் அப்பகுதியை கத்திரி கொண்டு நீக்கி விடுங்கள். இல்லையேல் செடி முழுவதும் அது பரவி வீணாகி விடும்.
Image Source: pexels
பூச்சிக்கொல்லிகள்
கிராம்பு செடிகள் என்னத்தான் எளிதில் பூச்சி அல்லது நோயால் பாதிக்கப்படும் தாவர வகை என்றாலும் முடிந்தளவு அதில் ரசாயனம் கலந்த பூச்சிக்கொல்லிகள் அல்லது ஸ்ப்ரேக்களை அடிப்பதை தவிருங்கள். இயற்கை முறையில் பராமரியுங்கள்.
Image Source: pexels
Thanks For Reading!