வெற்றி பெறுவதற்கு தோல்வி அவசியம், காரணங்களும் வழிமுறைகளும்
Aug 9, 2024
By: Nivethaதோல்விகள்
நம்முள் பலர் தங்கள் வாழ்வில் தோல்வியை கண்டவுடன் தான் செய்த முயற்சிகள் அனைத்தும் வீணாகிவிட்டதே என்று மனதை தளரவிட்டு அடுத்த கட்டத்திற்கு செல்லாமல் முடங்கி விடுகிறார்கள். ஆனால் உண்மையில் தோல்விகளை சந்திக்காமல் வெற்றியை அடைவது என்பது அசாத்தியமான விஷயமாகும்.
Image Source: pexels
மனரீதியான பாதிப்பு
ஒரு தோல்வியை சந்தித்தவுடன் அவ்வளவு தான் நமது வாழ்க்கையே முடிந்து விட்டது, எதிர்காலம் பறிபோனது என்று அஞ்சி, மனதில் சோகம், பதற்றம், பயம் ஆகியவற்றை இந்த தோல்வி உருவாக்கும் பட்சத்தில் மனரீதியான பாதிப்பிற்கு உள்ளாகிறார்கள். தோல்வியை மனதில் ஆழமாக பதிய வைத்து கொள்வதால் அடுத்த முயற்சிகளில் முழுவதுமாக ஈடுபடாமல் தொடர் தோல்வியை சந்திக்கும் நிலை உருவாகிறது.
Image Source: pexels
தாழ்வு மனப்பான்மை
நாம் எதற்கும் லாயக்கு இல்லை என்ற எண்ணம் தோல்வியை கண்டதும் பலருக்கும் வந்து விடுகிறது. இதன் காரணமாக தாழ்வு மனப்பான்மை ஏற்பட்டு, பழைய விஷயங்களை மனதிற்குள் ஓடவிட்டு மனச்சோர்வினை அடைகிறார்கள். ஆனால் உண்மையில் தோல்வி இல்லாமல் வெற்றி இல்லை.
Image Source: pexels
தோல்விகளும் ஓர் அனுபவம்
தோல்விகள் என்பது ஓர் சிறந்த அனுபவம், அடுத்த முயற்சியில் வெற்றியடைய நமக்கு இந்த அனுபவங்கள் நிச்சயம் தேவைப்படுகிறது. ஆனால் பலரும் தங்களது தன்னம்பிக்கையை ஒரு தோல்வியை சந்தித்ததும் இழந்து விடுகிறார்கள், இதுவும் மிகப்பெரிய தவறு. தொடர் முயற்சி வெற்றிக்கனியை எட்டி பிடிக்க ஓர் வழியாகும்.
Image Source: pexels
தனிமை
தோல்வி காரணமாக வருத்தம், காரணமில்லா கோபம், உள்ளிட்ட உணர்வுகள் ஏற்படும். இந்த உணர்வுகள் காரணமாக ஒருசிலர் தங்களை தனிமைப்படுத்தி கொள்கிறார்கள். இதனால் மன அழுத்தம் மேலும் அதிகரிக்குமே தவிர தனிமைப்படுத்தி கொள்வது என்பது ஓர் தீர்வல்ல.
Image Source: pexels
வெற்றிக்கான வழிமுறைகள்
கல்யாணம், தேர்வு, பணி இழப்பு உள்ளிட்ட காரணங்களால் பலரும் வருந்துகிறார்கள், ஆனால் 'இதுவும் கடந்து போகும்' என்னும் எண்ணத்தை மனதில் உருவாக்கி கொண்டு இதைவிட நல்ல வேலையோ, வாழ்க்கை துணையோ கிடைக்கும் என்னும் எண்ணத்தை மனதில் வளர்த்துக்கொண்டு வெற்றியை நோக்கி செல்வதே சிறந்தது.
Image Source: pexels
பயம்
ஜப்பான், இந்தோனேஷியா உள்ளிட்ட நாடுகளில் அடிக்கடி எரிமலை வெடிப்பு, சுனாமி உள்ளிட்ட இயற்கை சீற்றங்கள் ஏற்படுகிறது. ஆனால் அங்கிருக்கும் மக்கள் அதுகுறித்து பயமில்லாமல் தங்கள் வாழ்க்கையை வாழ்கிறார்கள். எனவே, எது வந்தாலும் தைரியமாக அதனை எதிர்கொள்ளும் பட்சத்தில் நமக்கு தோல்வி மீதான பயம் நீங்கும்.
Image Source: pexels
நல்ல பாடம்
தோல்விகள் நமக்கு ஓர் ஆசான், அதன் மூலம் நல்ல பாடம் மற்றும் அனுபவத்தை நம்மால் பெற முடியும். தோல்வி ஏற்பட காரணம் என்ன என்பதை பொறுமையாக அமர்ந்து யோசியுங்கள். அப்படி யோசித்தால் உங்கள் தோல்விக்கான காரணம் தெரியவரும். அடுத்தமுறை அந்த தவறை நீங்கள் செய்யாமல் வெற்றி பெற உதவும்.
Image Source: pexels
மகிழ்ச்சி
எப்போதும் தோல்வியை கண்டு துவண்டு போகாமல் எப்போதும் மகிழ்ச்சியான மனநிலையோடு இருக்க பழகுங்கள். அப்படி இருந்தால் உங்களது அடுத்த செயல்பாடுகள் சிறப்பாக இருக்கும், வெற்றியும் கிட்டும். அதேபோல் புதிய விஷயங்களை கற்றுக்கொள்ள தகுந்த நபர்களிடம் ஆலோசனைகளை பெறுவது நல்ல பழக்கமாகும், வெற்றியடையவும் இது உதவும்.
Image Source: pexels
Thanks For Reading!