ஷூக்கள்
Aug 9, 2024
By: Nivethaநடைப்பயிற்சி
உடற்பயிற்சிகளிலேயே நடைப்பயிற்சி தான் எளிதான மற்றும் நல்ல ஆரோக்கிய பலன்களை கொடுக்கக்கூடிய ஓர் உடற்பயிற்சியாகும். இந்நிலையில் நடைப்பயிற்சி மேற்கொள்ளும் பொழுது ஒருசில விஷயங்களை கவனத்தில் கொண்டு செயல்பட்டால் நன்மைகள் பெருகும்.
Image Source: istock
ஷூக்கள்
நம்முள் பலர் நடைப்பயிற்சிக்கு செல்லும் பொழுது செருப்புகளை அணிந்து கொள்கிறார்கள். ஆனால் அது சரியான முறையல்ல, நடைப்பயிற்சிக்கு செல்வோர் குதிகாலிற்கு சப்போர்ட் கொடுக்கும் வகையிலான ஷூக்களை தான் அணிய வேண்டும்.
Image Source: pexels
உடை
நடைப்பயிற்சிக்கு செல்கிறீர்கள் என்றால் உடலை இறுக்கும் ஆடைகளை அணியாமல் தளர்ந்த ஆடைகளை அணிந்து செல்லுங்கள். பகல் வேளையில் வாக்கிங் செல்வதாக இருந்தால் சன்ஸ்க்ரீன் அணிந்து கொண்டு செல்வது சருமத்திற்கு நல்லது.
Image Source: pexels
தாகம்
வாக்கிங் சென்றால் இடையில் தாகம் எடுக்கும், அதனால் கையோடு ஒரு வாட்டர் பாட்டிலை எடுத்து செல்வது நல்லது. தனியாக செல்ல சிலருக்கு கஷ்டமாக இருக்கும், அப்படி உணர்பவர்கள் தங்களோடு நண்பர்களை சேர்த்து கொண்டு அவர்களுடன் உரையாடியப்படி வாக்கிங் செல்லுங்கள்.
Image Source: pixabay
அழுத்தம்
நடைப்பயிற்சியின் பொழுது நமது குதிகால் முதல் விரல்கள் வரை அழுத்தம் கொடுத்து நடக்க வேண்டும். அப்போது தான் நாம் நடைப்பயிற்சி மேற்கொள்வதற்கான பயனை பெற முடியும் என்று உடற்பயிற்சி நிபுணர்கள் கூறுகிறார்கள்.
Image Source: pixabay
நிமிர்ந்து நடக்கவும்
நடைப்பயிற்சியின் பொழுது எப்போதும் நேராக பார்த்தவாறு உடலை நிமிர்த்தியவாறு நடக்க வேண்டும். உடலை தளர்வாக வைத்து கொண்டு நடப்பதில் பயனில்லை. அதே சமயம் நடைப்பயிற்சியை சமமான தளத்தில் மேற்கொள்வது தான் சிறந்ததாகும்.
Image Source: pixabay
நிமிட கணக்கு
புதிதாக நடைப்பயிற்சி மேற்கொள்பவர்கள் முதலில் ஒரு 10 நிமிடங்கள் வாக்கிங் செல்லுங்கள். அடுத்து 20 நிமிடங்கள், 30 நிமிடங்கள் என்று நேரத்தை அதிகரித்து கொள்ளுங்கள். எடுத்தவுடன் அதிக நேரம் வாக்கிங் சென்றால் சோர்வு ஏற்படுவதோடு, கால்வலியும் ஏற்படும், அடுத்தநாள் வாக்கிங் செல்ல முடியாத நிலையும் ஏற்படக்கூடும்.
Image Source: pixabay
வைட்டமின் டி
காலையில் 6 மணிக்கும் மாலையில் 4 மணிக்கு மேலாகவும் நடைப்பயிற்சி செய்யலாம். சூரிய ஒளியில் பயிற்சி மேற்கொள்வதன் மூலம் நமது உடலுக்கு தேவையான வைட்டமின் டி நேரடியாக கிடைக்கும். முட்டிகள் வலுப்பெறுவதோடு, கெட்ட கொலஸ்ட்ரால் கரைந்து உடல் எடை குறையவும் உதவுகிறது.
Image Source: istock
8ல் நடைப்பயிற்சி
வெளியில் சென்று நடைப்பயணம் மேற்கொள்ள முடியாதவர்கள் தங்களது வீட்டிலேயே 8 வரைந்து அதில் பயிற்சி மேற்கொள்ளலாம். வெளியில் வாக்கிங் செல்வதன் பலன் இதிலும் கிடைக்கும். நடைப்பயிற்சி செய்வது இதயத்திற்கு நல்லது, மன அழுத்தம் குறையும், கற்பனை மேம்படும் என்பது குறிப்பிடத்தக்கது.
Image Source: pexels
Thanks For Reading!